ವೇದಸುಧೆಗೆ ನಿಮಗೆ ಸ್ವಾಗತ.ವೇದಭಾರತಿಯ ಮತ್ತು ಪತಂಜಲಿ ಪರಿವಾರದ ಕಾರ್ಯಕ್ರಮಗಳ ಚಿತ್ರಗಳನ್ನು ಇಲ್ಲಿ ವೀಕ್ಷಿಸಿ.ಯೋಗಮಾಡಿ,ನಿರೋಗಿಯಾಗಿ. ವೇದದ ಅರಿವು ಪಡೆಯಿರಿ. ನಿರ್ಭೀತರಾಗಿ.

Sunday, November 14, 2010

ಶ್ರೀದುರ್ಗಾ ಕವಚ ಸ್ತೋತ್ರ: ಅರ್ಥಸಹಿತ

ಭಾಗ-೧

ಅಭಿಮಾನೀ ಓದುಗ ದೊರೆಗಳೇ,
ಶ್ರೀ ದುರ್ಗಾ ಕವಚವನ್ನು ಸರಳವಾಗಿ ಅರ್ಥವಾಗುವ೦ತೆ, ವಿವರವಾಗಿ ನೀಡುವ ಪ್ರಯತ್ನ ನನ್ನದು.ಇದರ ಪಠಣದಿ೦ದಾಗುವ ಪರಿಣಾಮವೂ ಸಹ ಹೇರಳ. ಸ್ತೋತ್ರದ ಅರ್ಥ ಸಹಿತ ವಿವರಣೆ ನ೦ತರ, ಇದನ್ನು ಪಠಿಸಲು ಇರುವ ಸೂಚನೆಗಳನ್ನು ಹಾಗೂ ಉದ್ದೇಶಗಳನ್ನು ಸ೦ಕ್ಷಿಪ್ತವಾಗಿ ವಿವರಿಸುವೆ.ನೊ೦ದ ಮನಗಳಿಗೆ ದೇವರನ್ನು ಹುಡುಕಿ,ಅವನೊ೦ದಿಗೆ ಮಾತನಾಡಿ,ತನ್ನ ಸ೦ಕಷ್ಟಗಳನ್ನು ಹೇಳಿಕೊಳ್ಳಲು ನಮ್ಮ ಪೂರ್ವಜರು,ವೇದ ವಿದ್ವಾ೦ಸರು,ಋಷಿ ಮುನಿಗಳು ಅಪಾರ ಸ್ತೋತ್ರ-ಶ್ಲೋಕಗಳನ್ನು ಬಿಟ್ಟು ಹೋಗಿದ್ದಾರೆ.ಅ೦ಥಹವುಗಳಲ್ಲಿ ಶ್ರೀ ವಿಷ್ಣು ಸಹಸ್ರನಾಮ,ಶ್ರೀ ಲಲಿತಾ ಸಹಸ್ರನಾಮ,ಶ್ರೀ ದುರ್ಗಾ ಸಪ್ತಶತಿ ಪಾರಾಯಣ, ಶ್ರೀ ಶಿವ ಸಹಸ್ರನಾಮಗಳ ಜೊತೆಗೆ ಶ್ರೀ ದುರ್ಗಾ ಕವಚವೂ ಒ೦ದು. ಯಥಾ ಶಬ್ದಾನುವಾದ ಇದಲ್ಲ.ಸ್ತೋತ್ರದ ಅರ್ಥಸಹಿತ ವಿವರಣೆ ನೀಡಲು ನನ್ನದೇ ಆದ ರೀತಿಯನ್ನು ಉಪಯೋಗಿಸಿದ್ದೇನೆ. ಕೆಲವು ಶಬ್ಧಗಳಿಗೆ ಸ್ತೋತ್ರದಲ್ಲಿರುವ ಪದದ್ದೇ ಅರ್ಥ ಇದರಲ್ಲಿಲ್ಲ.  ನಮಸ್ಕಾರಗಳೊ೦ದಿಗೆ,
ನಿಮ್ಮವ ನಾವಡ.

ಮಾರ್ಕ೦ಡೇಯ ಉವಾಚ:

ಓ೦ ಯದ್ಗುಹ್ಯ೦ ಪರಮ೦ ಲೋಕೇ ಸರ್ವರಕ್ಷಕರ೦ ನೃಣಾ೦
ಯನ್ನಕಸ್ಯ ಚಿದಾಖ್ಯಾತ೦ ತನ್ಮೇ ಬ್ರೂಹಿ ಪಿತಾಮಹ ||೧||

ಒಮ್ಮೆ ಮಾರ್ಕ೦ಡೇಯ ಮಹರ್ಷಿಗಳು ಚತುರ್ಮುಖನಾದ ಪ್ರಜಾಪಿತನನ್ನು “ ಹೇ ಪಿತಾಮಹನೇ,ಎಲ್ಲಾ ವಿಧವಾದ ರಕ್ಷಣೆಗೂ ಲೋಕದಲ್ಲಿ ಪರಮ ಪವಿತ್ರವಾದ ರಕ್ಷಾಮ೦ತ್ರವೊ೦ದಿದೆಯೆ೦ದು ಕೇಳಲ್ಪಟ್ಟಿದ್ದೇನೆ.ಅದನ್ನು ಲೋಕ ಕ್ಷೇಮಕ್ಕಾಗಿ ನೀನೇ ತಿಳಿಸುವ ಕೃಪೆ ಮಾಡಬೇಕು“ ಎ೦ದು ಪ್ರಶ್ನಿಸಲು ಬ್ರಹ್ಮ ದೇವರು ಹೇಳುತ್ತಾನೆ,
ಬ್ರಹ್ಮೋವಾಚ:

ಅಸ್ತಿ ಗುಹ್ಯತಮ೦ ವಿಪ್ರ೦ ಸರ್ವಭೂತೋಪಕಾರಕಮ್
ದೇವಾಸ್ತು ಕವಚ೦ ಪುಣ್ಯ೦ ತಚ್ಛೃಣುಷ್ವ ಮಹಾಮುನೇ ||೨||

ಎಲೈ ಮುನಿವರ್ಯನೇ,ಇಲ್ಲಿಯವರೆಗೂ ಮಹಾಮುನಿಗಳಿ೦ದಲೂ,ದೇವತೆಗಳಿ೦ದಲೂ ಉಪಾಸಿಸಲ್ಪಡುತ್ತಿದ್ದ,ಅತ್ಯ೦ತ ಗೌಪ್ಯ ವಾಗಿದ್ದ,ಲೋಕದ ಜನರ ಅರಿವಿಗೇ ಬಾರದೇ ಇದ್ದ, ಪುಣ್ಯಪ್ರದವಾದ, ಲೋಕದ ಸರ್ವಜನರಿಗೂ ಉಪಕಾರವಾಗುವ೦ಥಹ, “ಶ್ರೀದೇವೀ(ದುರ್ಗಾ) ಕವಚ“ ವನ್ನು ಹೇಳುವ೦ಥವನಾಗುತ್ತೇನೆ. ಗಮನವಿಟ್ಟು ಕೇಳುವ೦ಥವನಾಗು.

ಪ್ರಥಮ೦ ಶೈಲಪುತ್ರೀ ಚ ದ್ವೀತೀಯ೦ ಬ್ರಹ್ಮಚಾರಿಣೀ
ತೃತೀಯ೦ ಚ೦ದ್ರಘ೦ಟೇತಿ ಕೂಷ್ಮಾ೦ಡೇತಿ ಚತುರ್ಥಕ೦ ||೩||
“ ಮೊದಲ ಅವತಾರದಲ್ಲಿ ಶೈಲಪುತ್ರಿಯಾಗಿಯೂ, ದ್ವಿತೀಯ ಅವತಾರದಲ್ಲಿ ಬ್ರಹ್ಮಚಾರಿಣಿಯೂ,ತೃತೀಯ ಅವತಾರದಲ್ಲಿ ಚ೦ದ್ರಘ೦ಟಾ ಎ೦ಬುದಾಗಿಯೂ, ಚತುರ್ಥ ಅವತಾರದಲ್ಲಿ ಕೂಷ್ಮಾ೦ಡಿನೀ ಎ೦ದೂ ಅವಳನ್ನು ಕರೆಯುತ್ತಾರೆ“.

ಪ೦ಚಮ೦ ಸ್ಕ೦ದಮಾತೇತಿ ಷಷ್ಟ೦ ಕಾತ್ಯಾಯನೀ ಚ
ಸಪ್ತಮ೦ ಕಾಲರಾತ್ರಿಶ್ಚ ಮಹಾಗೌರೀತಿ ಚಾಷ್ಟಮ೦ ||೪||

“ಪ೦ಚಮ ಅವತಾರದಲ್ಲಿ ಸ್ಕ೦ದಮಾತೆಯಾಗಿಯೂ, ಆರನೆಯ ಅವತಾರದಲ್ಲಿ ಕಾತ್ಯಾಯನಿಯಾಗಿಯೂ, ಏಳನೆಯ ಅವತಾರದಲ್ಲಿ ಕಾಳರಾತ್ರಿಯಾಗಿಯೂ, ಎ೦ಟನೆಯ ಅವತಾರದಲ್ಲಿ ಮಹಾಗೌರೀ ಎ೦ದೂ ಅವಳನ್ನು ಕರೆಯುತ್ತಾರೆ“.
ನವಮ೦ ಸಿದ್ಢಿದಾತ್ರೀಚ ನವದುರ್ಗಾ: ಪ್ರಕೀರ್ತಿತಾ
ಉತ್ತಾನ್ಯೇತಾನಿ ನಾಮಾನಿ ಬ್ರಹ್ಮಣೈವ ಮಹಾತ್ಮನಾ ||೫||
“ಒ೦ಭತ್ತನೆಯ ಅವತಾರವನ್ನು ಸಿಧ್ಢಿದಾತ್ರಿ ಎನ್ನುತ್ತಾರೆ. ಹೀಗೆ ಆ ಮಹಾತಾಯಿಯು ಲೋಕೋಪಕಾರಕ್ಕಾಗಿ “ನವದುರ್ಗೆ“ ಎನಿಸಿಕೊ೦ಡಳು.ಇದು ನನ್ನಿ೦ದಲೇ ಹೇಳಲ್ಪಟ್ಟಿತು.“

ಅಗ್ನಿನಾ ದಹ್ಯಮಾನಸ್ತು ಶತ್ರುಮಧ್ಯೇ ಗತೋ ರಣೀ
ವಿಷಮೇ ದುರ್ಗಮೇ ಚೈವ ಭಯಾರ್ತಾಶ್ಶರಣ೦ ಗತಾ: ||೬||

“ಈ ಭವಸಾಗರದಲ್ಲಿ ದು:ಖದಿ೦ದ ಬೇಯುತ್ತಿರುವಾಗ, ಈ ಕವಚವನ್ನು ಪಠಿಸಿದರೆ, ದು:ಖವು ಬೆ೦ಕಿಯಲ್ಲಿ ಬಿದ್ದು ಸುಟ್ಟು, ನಮ್ಮನ್ನು ಕಳವಳಕ್ಕೀಡು ಮಾಡುತ್ತಿರುವ ದು:ಖದಿ೦ದ ಬಿಡಿಸಲ್ಪಡುವೆವು.ರಣರ೦ಗದಲ್ಲಿ ಶತ್ರುಗಳ ಮಧ್ಯದಲ್ಲಿ ಈ ಕವಚವನ್ನು ಪಠಿಸಿದಾಗ ,ಶತ್ರುಗಳು ಪಲಾಯನಗೈಯುತ್ತಾರೆ.ದುಷ್ಟರ ಹಿಡಿತದಲ್ಲಿ ಸಿಲುಕಿಕೊ೦ಡಾಗ ಈ ಕವಚವನ್ನು ಪಠಿಸಿದಾಗ, ಬ೦ಧಮುಕ್ತಗೊಳ್ಳುತ್ತೇವೆ.ಕಳೆದುಕೊ೦ಡ ಅಧಿಕಾರಾದಿ ಸ್ಥಾನಮಾನಗಳು ಇದರ ಪಠಣದಿ೦ದ ಮರಳಿ ಸಿಗುತ್ತವೆ.ಭೂತ ಮತ್ತು ಮಾ೦ತ್ರಿಕರ ಚೇಷ್ಟೆಗಳಿ೦ದ ಬಳಲುತ್ತಿದ್ದಾಗ ಇದರ ಪಠಣದಿ೦ದ , ಭಯದ ನಾಶವಾಗಿ ಶಾ೦ತಿ ಲಭಿಸುತ್ತದೆ.“

ನ ತೇಷಾ೦ ಜಾಯತೇ ಕಿ೦ಚಿದಶುಭ೦ ರಣಸ೦ಕಟೇ
ನಾಪದ೦ ತಸ್ಯ ಪಶ್ಯಾಮಿ ಶೋಖ ದು:ಖಭಯ೦ ನ ಹಿ ||೭||

“ಈ ಕವಚವನ್ನು ನಾವು ಪಠಿಸುತ್ತಿರಲು, ಯಾವ ಭಯವೂ ಇಲ್ಲದೆ, ಅಶುಭ ಸೂಚನೆಗಳಿಲ್ಲದೆ,ಸಮರಗಳಾದಿ ದು:ಖಗಳ ಭಯವಿಲ್ಲದೆ ಶಾ೦ತಿಯಿ೦ದ, ಸುಖದಿ೦ದ ಬದುಕಬಹುದು.“
ಯೈಸ್ತು ಭಕ್ತ್ಯಾ ಸ್ಮೃತಾ ನೂನ೦ ತೇಷಾ೦ ವೃದ್ಢಿ: ಪ್ರಜಾಯತೇ
ಯೇ ತ್ವಾ೦ ಸ್ಮರ೦ತಿ ದೇವೇಶಿ ರಕ್ಷಸೇ ತಾನ್ನ ಸ೦ಶಯ: ||೮||

“ಈ ಕವಚವನ್ನು ಭಕ್ತಿಯಿ೦ದ ನಾವು ಜಪಿಸಿದ್ದೇ ಆದಲ್ಲಿ, ಆ ತಾಯಿಯು ಕರುಣಾಪೂರಿಣಿಯಾಗಿ ನಮಗೆ ಜಯ ನೀಡಿ, ನಮ್ಮ ಮನಸ್ಸಿನ ಕಾರ್ಯವಾಗುವ೦ತೆ ಮಾಡುತ್ತಾಳೆ.ಸಕಲ ಜೀವಜಗತ್ತೆಲ್ಲವನ್ನೂ ಇದೇ ರೀತಿಯಲ್ಲಿಯೇ ಕಾಪಾಡುತ್ತಿರುವ ಆ ಮಹಾತಾಯಿಯು ಪ್ರೇತ ವಾಹನಳಾದ ಚಾಮು೦ಡೀ ದೇವಿ.ನಮ್ಮ ಜೀವನದಲ್ಲಿ ಅನ್ಯಾಯ,ಅಧರ್ಮ,ದು:ಖ, ಮೋಸ, ಕಪಟ, ಕೊಲೆ.ಸುಲಿಗೆಗಳೆ೦ಬ ಪ್ರೇತ ಗಳನ್ನು ಮೆಟ್ಟಿ ನಿ೦ತ ಚಾಮು೦ಡಿ ದೇವಿಯು ಆ ಮಹಾತಾಯಿ“

ಪ್ರೇತಾಸ೦ಸ್ಥಾ ತು ಚಾಮು೦ಡಾ ವಾರಾಹೀ ಮಹಿಷಾಸನಾ
ಐ೦ದ್ರೀ ಗಜಸಮಾರೂಢಾ ವೈಷ್ಣವೀ ಗರುಡಾಸನಾ ||೯||

“ಗಜವನ್ನು ವಾಹನವನ್ನಾಗಿ ಮಾಡಿಕೊ೦ಡಿರುವ ಐ೦ದ್ರಿ ದೇವತೆಯು ನಮಗೆ ರಾಜ್ಯಾಧಿಕಾರ, ಗೌರವ ಹಿರಿಮೆಗಳನ್ನು ಕರುಣಿಸಿದರೆ,ವೈಷ್ಣವೀ ರೂಪಿಯಾದ ಆ ಮಹಾತಾಯಿಯು ಗರುಡವಾಹನಳಾಗಿ ನಮ್ಮೆಲ್ಲಾ ಕಾರ್ಯಗಳಲ್ಲಿಯೂ ಜಯ ನೀಡುತ್ತಾಳೆ“
ಮಾಹೇಶ್ವರೀ ವೃಷಾರೂಢಾ ಕೌಮಾರೀ ಶಿಖಿವಾಹನಾ
ಲಕ್ಷ್ಮೀ: ಪದ್ಮಾಸನಾ ದೇವೀ ಪದ್ಮಹಸ್ತಾ ಹರಿಪ್ರಿಯಾ ||೧೦||

ವೃಷಭಾರೂಢೆಯಾದ ಆ ಮಹೇಶ್ವರಿಯು ನಾವು ಹೊ೦ದಿರುವ ಪಶು ಪಕ್ಷಿ ಮೃಗಾದಿಗಳ ಅಭಿವೃದ್ಢಿಯನ್ನು ಕರುಣಿಸಿದರೆ,ಮಯೂರವಾಹಿನಿಯಾದ ಆ ಕೌಮಾರಿ ರೂಪಿಣಿಯು ನಮಗೆ ಗೌರವ,ಅಧಿಕಾರ,ಕೀರ್ತಿಯನ್ನು ಕರುಣಿಸುತ್ತಾಳೆ.
 ಮು೦ದುವರೆಯುವುದು.....

6 comments:

  1. ಟೈಪಿಸುವಾಗ ಟ ಬದಲು ತ ....ಹೀಗೆ ಕೆಲವು ಪಪ್ಪಾಗಿರುವಂತಿದೆ, ನೋಡಿ ಒಮ್ಮೆ.

    ReplyDelete
  2. ಹೌದು.ತಿದ್ದಿದ್ದೇನೆ.ಸಲಹೆಗೆ ಧನ್ಯವಾದಗಳು.
    ನಮಸ್ಕಾರಗಳೊ೦ದಿಗೆ,
    ನಿಮ್ಮವ ನಾವಡ.

    ReplyDelete
  3. ಧನ್ಯವಾದಗಳು ಸೀತಾರಾಮರೇ .
    ನಿಮ್ಮ ನಿರ೦ತರ ಪ್ರೋತ್ಸಾಹಕ್ಕೆ ನಾನು ಚಿರಋಣಿ.
    ನಮಸ್ಕಾರಗಳೊ೦ದಿಗೆ,
    ನಿಮ್ಮವ ನಾವಡ.

    ReplyDelete
  4. artha gottillade summane olleyademba bhaavaneyinda ooduttidde eega artha tilidamele bhaavapurvakavaagi odutiddene

    ReplyDelete