ವೇದಸುಧೆಗೆ ನಿಮಗೆ ಸ್ವಾಗತ.ವೇದಭಾರತಿಯ ಮತ್ತು ಪತಂಜಲಿ ಪರಿವಾರದ ಕಾರ್ಯಕ್ರಮಗಳ ಚಿತ್ರಗಳನ್ನು ಇಲ್ಲಿ ವೀಕ್ಷಿಸಿ.ಯೋಗಮಾಡಿ,ನಿರೋಗಿಯಾಗಿ. ವೇದದ ಅರಿವು ಪಡೆಯಿರಿ. ನಿರ್ಭೀತರಾಗಿ.

Saturday, February 5, 2011

ಭಾಷಣಗಳ ಧ್ವನಿ ಮುದ್ರಣ

ವೇದಸುಧೆಯ ಅಭಿಮಾನಿಗಳೇ,
ವೇದಸುಧೆಯ ವಾರ್ಷಿಕೋತ್ಸವವು ಮುಗಿದು ಒಂದು ವಾರ ಆಗುತ್ತಾ ಬಂತು. ಕಾರ್ಯಕ್ರಮವು ಯಶಸ್ವಿಯಾಗಿ ಮುಗಿದರೂ ಅಂದು ಹಾಸನದಲ್ಲಿ ವಿದ್ಯುತ್ ವ್ಯತ್ಯಯ ಇದ್ದುದರಿಂದ ಭಾಷಣಗಳ ಧ್ವನಿ ಮುದ್ರಣದಲ್ಲಿ ಜನರೇಟರ್ ಶಬ್ಧವು ಒಂದಿಷ್ಟು ಇಣುಕಿದ್ದು ಆಡಿಯೋ ಕೇಳಲು ಅಷ್ಟು ಹಿತವಾಗಿಲ್ಲ. ಅದನೆಲ್ಲಾ ಅಲ್ಪಸ್ವಲ್ಪ ಸರಿಪಡಿಸಿ ಪ್ರಕಟಿಸಬೇಕಾಗಿದೆ. ಆದರೆ ಸ್ಟುಡಿಯೋದವರು ಇನ್ನು ಒಂದುವಾರ ಊರಲ್ಲಿರುವುದಿಲ್ಲ. ಹಾಗಾಗಿ ವೇದಸುಧೆಯಲ್ಲಿ ಕಾರ್ಯಕ್ರಮದ ಧ್ವನಿಮುದ್ರಿಕೆಯನ್ನು ಪ್ರಕಟಿಸಲು ಇನ್ನೂ ಒಂದು ವಾರವಾದರೂ ಕಾಲಾವಕಾಶಬೇಕು.ಅಂತೂ ಅಲ್ಲಿ ನಡೆದ ಶ್ರೀ ಶರ್ಮರ ಉಪನ್ಯಾಸವನ್ನು ಕೇಳಲು ಹಲವರು ಆಸಕ್ತರಿದ್ದು ವೇದಸುಧೆಗೆ ಕರೆ ಮಾಡುತ್ತಿದ್ದಾರೆ.ಪ್ರಕಟಿಸುವುದು ನಿಶ್ಚಯವಾದರೂ ಸ್ವಲ್ಪ ವಿಳಂಬವಾಗುವುದು ನಿಜ. ದಿನಗಳುರುಳಿದಂತೆ  ಕೇಳುವ ಆಸಕ್ತಿ ಕಡಿಮೆ ಆಗುತ್ತದೆಂಬುದು ನಿಜವಾದರೂ ವಿಷಯವು ಗಂಭೀರವಾಗಿದ್ದು ಯಾವತ್ತಿಗೂ ಅದನ್ನು ಕೇಳಿದರೂ ಉಪಯುಕ್ತವೇ ಆಗಿದೆ.ಆದ್ದರಿಂದ ಸಾಧ್ಯವಾದಷ್ಟೂ ಎಲ್ಲವನ್ನೂ ನಿಧಾನವಾಗಿಯಾದರೂ ಪ್ರಕಟಿಸುತ್ತೇವೆಂಬುದನ್ನು ಎಲ್ಲರ ಗಮನಕ್ಕೆ ತರಬಯಸುತ್ತೇನೆ. ಈಗಾಗಲೇ ನಾಲ್ಕೈದು ಜನ ಅಭಿಮಾನಿಗಳು ಕಾರ್ಯಕ್ರಮದ ಡಿ.ವಿ.ಡಿ ತಮಗೆ ಬೇಕೆಂದು ತಿಳಿಸಿದ್ದಾರೆ. ಇನ್ಯಾರಿಗೆ ಬೇಕೆಂಬುದನ್ನು ಇನ್ನು ಒಂದುವಾರದಲ್ಲಿ ತಿಳಿಸಿದರೆ ಸೂಕ್ತ ವ್ಯವಸ್ಥೆಮಾಡಲಾಗುವುದು.4.7 GB ಸಾಮರ್ಥ್ಯದ  ಒಟ್ಟು ಆರು ಡಿ.ವಿ.ಡಿ ಗಳ ಸೆಟ್  ಸ್ಟುಡಿಯೊದವರು ಕೇಳುವ ಕನಿಷ್ಟ ಬೆಲೆಗೆ ನಿಮಗೆ ತಲುಪಿಸಲಾಗುವುದು.

No comments:

Post a Comment