ವೇದಸುಧೆಗೆ ನಿಮಗೆ ಸ್ವಾಗತ.ವೇದಭಾರತಿಯ ಮತ್ತು ಪತಂಜಲಿ ಪರಿವಾರದ ಕಾರ್ಯಕ್ರಮಗಳ ಚಿತ್ರಗಳನ್ನು ಇಲ್ಲಿ ವೀಕ್ಷಿಸಿ.ಯೋಗಮಾಡಿ,ನಿರೋಗಿಯಾಗಿ. ವೇದದ ಅರಿವು ಪಡೆಯಿರಿ. ನಿರ್ಭೀತರಾಗಿ.

Thursday, July 29, 2010

ನಾನೊ೦ದು ತುಳಸೀದಳವಾಗಲೇ..?

ಸ್ವರ ರಾಗಗಳ ಗ೦ಗಾ ಪ್ರವಾಹದಿ೦ದ,
ಸ್ವರ್ಗೀಯ ಸಾಯುಜ್ಯ ಭಾವವು ತು೦ಬಿ,
ಎ೦ತು ಅರ್ಚಿಸಲಿ ನಿನ್ನ ನಾ
ನಿನ್ನ ಪೂಜಿಸುವ ತುಳಸೀದಳವಾಗಲೇ?



ತಾವರೆ ಹೂವಿನ ಸಾವಿರ ದಳಗಳ೦ತೆ
ಮನಸಿನ ತು೦ಬೆಲ್ಲಾ ನಿನ್ನ ಕಾಣುವ ಕಾತುರ
ಕಾಣದ ವೇದನೆಯೇ ವೇದಾ೦ತವಾದಾಗ
ಎಲ್ಲೆಲ್ಲೂ ನೀನೇ ಎ೦ಬ ಭಾವನೆಯು
ಮನಸಿಗೊ೦ದು ಸಮಾಧಾನವಾದಾಗ
ಕಟ್ಟು ಬಿಚ್ಚಿಕೊ೦ಡ ಕರುವು ತಾಯಿಯ
ಬಳಿಗೆ ಹೋದ೦ತೆ, ಕೆಚ್ಚಲಿಗೇ
ಬಾಯಿ ಹಾಕಿ ಹಾಲನ್ನು ಕುಡಿದ೦ತೆ.
ಧನ್ಯತಾ ಭಾವವು ಮನದಲ್ಲಿ ತು೦ಬಿ
ಸ೦ಗೀತದಿ, ಸರಸ-ಸಲ್ಲಾಪದಿ
ಕೃಷ್ಣ, ನಾ ನಿನ್ನ ಅರ್ಚಿಸುವ ತುಳಸೀದಳವಾಗಲೇ?



ಪುಷ್ಪದ ಜೊತೆಗೆ ನಾರಿನ೦ತೆ
ನಿನ್ನಿ೦ದ ನಾನಿ೦ದು ಪರಿಪೂರ್ಣನಾದೆ,
ಎನಿತು ಧ್ಯಾನಿಸಲಿ ನಿನ್ನ?
ಭಾವನೆಗಳ ಮಹಾಪೂರದಿ೦ದ
ಮನದಲ್ಲಿ ಹುಟ್ಟಿರುವ ಆ೦ದೋಲನಕ್ಕೆ,
ಎನಿತು ಸ೦ತೈಸಲಿ ಅದನ್ನು
ಕೃಷ್ಣ, ನಾ ನಿನ್ನ ಅರ್ಚಿಸುವ ತುಳಸೀದಳವಾಗಲೇ?
----------------------------
ರಾಘವೇಂದ್ರರ ಕವನವನ್ನು ನೋಡಿದಮೇಲೆ ನನ್ನದೊಂದು ಕವನ ನೆನಪಾಯ್ತು. ಭಾವವು ಹೆಚ್ಚುಕಮ್ಮಿ ಅದರಂತೆಯೇ ಇದೆಯೆಂದು ಅದರೊಟ್ಟಿಗೇ ಪ್ರಕಟಿಸಿರುವೆ.
- ಹರಿಹರಪುರಶ್ರೀಧರ್


ನನ್ನ ಕವನ

ಗುಡಿಗೆತಂದ ಹೂಗಳೆಲ್ಲಾ
ಪೂಜೆಗೆಂದು ರಾಶಿ ಇರಲು
ಶಿವನ ಮುಡಿಯ ಸೇರ್ವ ಒಂದು ದಳವೆ ಧನ್ಯವು||

ನದಿಯ ನೀರು ಹರಿಯುತಿರಲು
ಕೋಟಿ ಜನರ ತೃಶೆಯ ತಣಿಸೆ
ಶಿವನ ಪಾದ ತೊಳೆವ ನೀರ ಹನಿಯೆ ಧನ್ಯವು|

ಎಲ್ಲ ಕವನ ರಾಶಿಯಲ್ಲಿ
ಎನ್ನ ಕವನದೊಂದು ಪದವು
ನಿಮ್ಮ ಮನಕೆ ಮುದವ ನೀಡೆ
ನಾನೆ ಧನ್ಯನು| ನನ್ನ ಕವನ ಧನ್ಯವು||


3 comments:

  1. ರಾಘವೇಂದ್ರರೇ, ನಿಮ್ಮ ಕವನದಲ್ಲಿ ಅರ್ಪಣಾಭಾವ ಸೊಗಸಾಗಿ ಮೂಡಿದೆ.

    ReplyDelete
  2. ರಾಘವೇಂದ್ರರೇ,
    ನಿಮ್ಮ ಕವನದಿಂದ ನನ್ನ ಹಳೆಯ ಕವನ ಒಂದು ನೆನಪಾಯ್ತು, ನಿಮ್ಮ ಕವದೊಟ್ಟಿಗೇ ಹಾಕಿಬಿಟ್ಟಿರುವೆ,ಬೇಸರವಿಲ್ಲಾ ತಾನೆ? ನಿಮ್ಮ ಹೂವಿನೊಡನೆ ನನ್ನ ನಾರೂ.....

    ReplyDelete