ವೇದಸುಧೆಗೆ ನಿಮಗೆ ಸ್ವಾಗತ.ವೇದಭಾರತಿಯ ಮತ್ತು ಪತಂಜಲಿ ಪರಿವಾರದ ಕಾರ್ಯಕ್ರಮಗಳ ಚಿತ್ರಗಳನ್ನು ಇಲ್ಲಿ ವೀಕ್ಷಿಸಿ.ಯೋಗಮಾಡಿ,ನಿರೋಗಿಯಾಗಿ. ವೇದದ ಅರಿವು ಪಡೆಯಿರಿ. ನಿರ್ಭೀತರಾಗಿ.

Monday, June 20, 2011

ನೀ ದುರ್ಗಿ ಯಾಗುವೆ ಎಂದು?

ಓ ತಾಯಿ ಭಾರತಿಯೆ
ನೀ ದುರ್ಗಿ ಯಾಗುವೆ ಎಂದು?||

ಕಳ್ಳ ಕಾಕರು ಸೇರಿ
ನಮ್ಮನಾಳಲುನೀನು
ಕಣ್ಮುಚ್ಚಿ ಕುಳಿತಿರುವೆ
ಇದು ನಿನಗೆ ಭೂಷಣವೇ?||

ಮಳ್ಳಿತನದಿ ಮಾತಾಡಿ
ಮರುಳು ಮಾಡಿ
ನಿನ್ನ ಪೂಜಿಪ ನೆಪದಿ
ಕೊಳ್ಳೆ ಹೊಡೆಯುವರು
ನಿನ್ನ ಸಂಪತ್ತನ್ನೇ
ಲೂಟಿ ಮಾಡುವರು
ಮೌನವೇತಕೆ ತಾಯೆ
ನೀ ದುರ್ಗಿ ಯಾಗುವೆ ಎಂದು?||

ಮಾನ ಮರ್ಯಾದೆಗಳ
ಒತ್ತೆ ಇಟ್ಟವರೆಲ್ಲಾ
ನಮ್ಮನಾಳಲು ನಾವು
ನಾಚುವುದೆ ಇಲ್ಲ
ಸತ್ತು ಹೋಗಿದೆಯಲ್ಲಾ
ಅಂತ:ಸತ್ವವು ತಾಯೆ
ಸಿಡಿದೇಳು ಮಲಗಿರುವ
ನಮ್ಮ ಕಣ್ಣ ತೆರಸು||

No comments:

Post a Comment