ಭಾರತ ಮೊದಲು !

ಇದೆಂತಾ ಪ್ರಾಜಾಪ್ರಭುತ್ವ?

ದೇಶದ ವಿರುದ್ಧವಾಗಿ ಘೋಷಣೆ ಕೂಗುವುದನ್ನು ಸಹಿಸಬೇಕು!

ಯಾವ ನೆಲದಲ್ಲಿ ಹಸುವನ್ನು ಗೋಮಾತೆ ಎಂದು ಪೂಜಿಸುತ್ತೇವೋ ಅದೇ ನೆಲದಲ್ಲಿ ಅದರ ಮಾರಣಹೋಮವನ್ನು ನೋಡಬೇಕು!

ಬಾಂಬ್ ಸಿಡಿಸಿ ಅಮಾಯಕರನ್ನು ಹತ್ಯೆ ಮಾಡುವ ರಕ್ಕಸರನ್ನು ಗಲ್ಲಿಗೇರಿಸಿದರೆ ಅದರ ವಿರುದ್ಧ ಪ್ರತಿ ಭಟಿಸಿದವರನ್ನು ಸಹಿಸಿಕೊಳ್ಳ ಬೇಕು!!

ಛೇ! ಛೇ!!
ಅತಿಯಾಯ್ತು!


ಈ ಪ್ರಜಾಬ್ರಭುತ್ವ ವ್ಯವಸ್ಥೆಯಲ್ಲಿ ಇನ್ನೂ ಎಷ್ಟು ಜನರ ಮಾರಣ ಹೋಮ ನಡೆಯಬೇಕಾಗಿದೆ?

ಇನ್ನೂ ಎಷ್ಟು ಗೋಮಾತೆಯ ಹತ್ಯೆಯಾಗಬೇಕಾಗಿದೆ?

ಇನ್ನೂ ಎಷ್ಟು ಮಾತೆಯರ ಮೇಲೆ ಅತ್ಯಾಚಾರ ನಡೆಯಬೇಕಾಗಿದೆ?

ಇನ್ನೂ ಎಷ್ಟು ಪ್ರಾಣಿಗಳ ಮತ್ತು ಮನುಷ್ಯರ ರಕ್ತ ರಸ್ತೆಯಲ್ಲಿ ಹರಿಯಬೇಕಾಗಿದೆ??


ಮನುಷ್ಯಮಾತ್ರದವನು ಇನ್ನು ಸಹಿಸಲು ಸಾಧ್ಯವಿಲ್ಲ!

ಮೋದಿಯವರು ಇನ್ನು ಸುಮ್ಮನಿರಬೇಕಾಗಿಲ್ಲ!


ಪ್ರಧಾನ ಮಂತ್ರಿಗಳೇ,


ನಿಮ್ಮನ್ನು ಈ ದೇಶದ ದೇಶಭಕ್ತರೇ ಆರಿಸಿದ್ದು !! ದೇಶವನ್ನು ತಲ್ಲಣಗೊಳಿಸುತ್ತಿರುವ, 0.001% ಕ್ಕೂ ಕಮ್ಮಿ ಇರುವ ದೇಶದ್ರೋಹಿಗಳಿಂದ ನೀವು ಆರಿಸಿ ಬಂದಿಲ್ಲ!!


ಇನ್ನು ಯಾಕೆ ತಡ ಮಾಡುತ್ತಿದ್ದೀರಿ?

ನಿಮ್ಮ ಅಂತಿಮ ಅಸ್ತ್ರ ಪ್ರಯೋಗಿಸಲು ಕಾಲ ಪಕ್ವವಾಗಿದೆ!


* ಇನ್ನು ಮುಂದೆ ಭಾರತದ ಯಾವ ಮೂಲೆಯಲ್ಲೂ ಅಮಾಯಕರು ಕಣ್ಣೀರು ಹಾಕಬಾರದು.

* ಅತ್ಯಾಚಾರ ನಡೆಯಬಾರದು

* ಪ್ರಾಣಿಗಳ ರಕ್ತ ರಸ್ತೆಯಲ್ಲಿ ಹರಿಯಬಾರದು

* ಭಯೋತ್ಪಾದಕರ ನಿರ್ನಾಮವಾಗಬೇಕು


ಪೇಲಿಸರಿಗೆ ಮತ್ತು ನಮ್ಮ ದೇಶವನ್ನು ಕಾಯುವ ಸೈನಿಕರಿಗೆ ಆತ್ಮಬಲವನ್ನು ತುಂಬುವ ಕೆಲಸವಾಗಬೇಕು. ದೇಶದ್ರೋಹಿಗಳ ಚಟುವಟಿಕೆಗಳ ಮೆಲೆ ನಿರಂತರ ಕಣ್ಣಿಡಲು ಗುಪ್ತಚರ ಇಲಾಖೆಯ ಸಾಮರ್ಥ್ಯವನ್ನು ಹೆಚ್ಚಿಸಿ. ಅತ್ಯಂತ ಸೂಕ್ಷ್ಮವಾದ ಮತ್ತು ಹೆಚ್ಚು ಸಾಮರ್ಥ್ಯ ಉಳ್ಳ ಸಲಕರಣೆ ಗಳನ್ನು ನಮ್ಮ ಗುಪ್ತಚರ ಇಲಾಖೆಗೆ ಒದಗಿಸಿ,ದೇಶದ ಸಾರ್ವಭೌಮತ್ವಕ್ಕೆ, ಅಖಂಡತೆಗೆ, ಶಾಂತಿಗೆ ಬಂಗ ತರುವಂತಹ ಯಾವುದೇ ವ್ಯಕ್ತಿಯನ್ನು ಆಧಾರ ಸಹಿತ ಅರೆಸ್ಟ್ ಮಾಡಲು ಆದೇಶ ಕೊಡಿ. ಯಾವುದೇ ವಿಚಾರಧಾರೆಯ ಛತ್ರಿಯಡಿಯಲ್ಲಿ ದೇಶದ್ರೋಹಿಗಳು ರಕ್ಷಣೆ ಪಡೆಯಬಾರದು. ಹಾಗೆ ಆದೇಶ ಹೊರಡಿಸಿ.


ಭಾರತ ಮೊದಲು !

ದೇಶದ ಅಖಂಡತೆಗೆ ಪ್ರಥಮ ಪ್ರಾಶಸ್ತ್ಯ!

ಅಮಾಯಕರ ನೆಮ್ಮದಿಯೇ ಸರ್ಕಾರದ ಗುರಿಯಾಗಲಿ!

ನಮ್ಮ ದೇಶದ ಎಲ್ಲಾ ಪೋಲೀಸ್ ಅಧಿಕಾರಿಗಳಿಗೆ, ಸೈನ್ಯದ ಅಧಿಕಾರಿಗಳಿಗೆ, ಮತ್ತು ಡಿವಿಶನಲ್ ಕಮೀಶನರುಗಳಿಗೆ ದೇಶಭಕ್ತಿಯ ಸರಿಯಾದ ತರಬೇತಿ ಕೊಡಿ. ಅವರಲ್ಲಿ ಸರಿಯಾದ ನಿರ್ಧಾರ ತೆಗೆದುಕೊಳ್ಳುವ ಅರ್ಹತೆ ಬೆಳಸಿ. ನಾಲಾಯಕ್ ಅಧಿಕಾರಿಗಳನ್ನು ಮನೆಗೆ ಕಳಿಸಿ.


ಹೌದು , ದೇಶದಲ್ಲಿ ಶಾಂತಿ , ನೆಮ್ಮದಿ ನೆಲಸಿ, ದೇಶವು ಸುಭಿಕ್ಷವಾಗಿರಬೇಕಾದರೆ ಕೆಲವು ದೇಶದ್ರೋಹಿಗಳ ತಲೆ ಉರುಳಲೇ ಬೇಕಾಗುತ್ತದೆ.ರಾಷ್ಟ್ರ ಯಜ್ಞಕ್ಕೆ ಆಹುತಿಯಾಗದೇ ಫಲ ಸಿಗಲಾರದು!!! ಕೋಟಿ ಕೋಟಿ ಜನರ ನೆಮ್ಮದಿಗಾಗಿ ಕೆಲವು ನೂರುಜನ ದೇಶದ್ರೋಹಿಗಳ ಆಹುತಿಯಾಗಬಹುದು!!


ರಾಷ್ಟ್ರಾಯ ಸ್ವಾಹಾssssss|

ರಾಷ್ಟ್ರಾಯ ಇದಂ ನಮಮ ||

ಮಾನವ ಜನ್ಮವನ್ನು ಸಾರ್ಥಕ ಪಡಿಸಿಕೊಳ್ಳೋಣ

 ಶ್ರೀ ಕೃಷ್ಣಮೂರ್ತಿಯವರು ಬೇಲೂರು ತಾಲ್ಲೂಕು ಆಂದಲೆ ಗ್ರಾಮದಲ್ಲಿ ಶನಿದೇವಾಲಯದ ಅರ್ಚಕರು.  ದಲಿತ ಕುಟುಂಬಕ್ಕೆ ಸೇರಿದ ಶ್ರೀಯುತರಿಗೆ ಮಕ್ಕಳಿಗೆ ವೇದೋಕ್ತವಾಗಿ ಉಪನಯನ ಮಾಡಿಸುವಾಸೆ. ವೇದಭಾರತಿಯನ್ನು ಸಂಪರ್ಕಿಸಿದರು.ನಾವು ಅತ್ಯಂತ     ಸಂತೋಷದಿಂದ ಒಪ್ಪಿಕೊಂಡೆವು. ದಿನಾಂಕ ೧೯.೨.೨೦೧೬ ರಂದು ಬ್ರಹ್ಮೋಪನಯನಕ್ಕೆ ಮುಹೂರ್ತ ಕೂಡಿಬಂತು. ಶನಿದೇವಾಲಯದ ಮುಂದೆ ಶಾಮಿಯಾನ ಹಾಕಿ  ಅಶ್ವತ್ಥ ವೃಕ್ಷದ ಕೆಳಗೆ ಕಾರ್ಯಕ್ರಮ ನಡೆಸಲಾಯ್ತು. ವೇದಾಧ್ಯಾಯೀ ಶ್ರೀ ನವೀನ್ ಅವರಿಗೆ ಸಹಕಾರಿಯಾಗಿ ವೇದಭಾರತಿಯ ಕಾರ್ಯಕರ್ತರು ನಿಂತೆವು.  ಕಾಲೊನಿಯ ಜನರೆಲ್ಲಾ ಬಂದರು. ಬ್ರಹ್ಮೋಪದೇಶ ಆದನಂತರ ವೇದಾಧ್ಯಾಯೀ ಶ್ರೀ ನವೀನ್  ಬ್ರಹ್ಮೋಪದೇಶದ ಬಗ್ಗೆ ತಿಳಿಸಿದರೆ "ಎಲ್ಲರಿಗಾಗಿ ವೇದ " ಪರಿಚಯವನ್ನು ಹರಿಹರಪುರಶ್ರೀಧರ್ ಮಾಡಿಕೊಟ್ಟರು.ವೇದಭಾರತಿಯ ಗೌರವಾಧ್ಯಕ್ಷರಾದ ಶ್ರೀ ಕವಿ ನಾಗರಾಜ್ ಅವರು ಸಮಾರಂಭ ಕುರಿತು ಮೆಚ್ಚುಗೆಯ ಮಾತನಾಡಿದರು . ವಟುವಿನ ತಂದೆ ಕೃಷ್ಣ ಮೂರ್ತಿಗಳ ಹೃದಯಾಂತರದ  ಮಾತು  ನಮ್ಮೆಲ್ಲರಲ್ಲೂ ಸಾರ್ಥಕತೆಯ ಭಾವ ಮೂಡಿಸಿತು. 

ಕೃಷ್ಣ ಮೂರ್ತಿಗಳ  ಮನದಾಳದ ಮಾತು

" ನನಗೆ ಇಂದು ಅತ್ಯಂತ ಸಂತೋಷವಾಗುತ್ತಿದೆ. ವೇದೋಕ್ತವಾಗಿ ನನ್ನ ಮಗನಿಗೆ ವೇದಭಾರತಿಯವರು ಉಪನಯನ ಮಾಡಿದ್ದಾರೆ.   ಇಂತಾ ಒಂದು  ಪವಿತ್ರ  ಕಾರ್ಯಕ್ರಮ ಹಿಂದೆ  ಎಂದೂ ಆಗಿರಲಿಲ್ಲ.   ನಮ್ಮ ಸಮುದಾಯಕ್ಕೆ  ಹಿಂದು ಸಮಾಜದಲ್ಲಿ ಗೌರವ ಸಿಗಬೇಕಾದರೆ ನಮ್ಮ ಬದುಕು ಪರಿಶುದ್ಧವಾಗಿರಬೇಕು.  ನಾವು  ಮಾಂಸಾಹಾರವನ್ನಾಗಲೀ ಬೇರೆ ಯಾವ ತಾಮಸ ಆಹಾರವನ್ನೂ ತೆಗೆದುಕೊಳ್ಳದಿರುವ ದೃಢ ನಿರ್ಧಾರ ಮಾಡಬೇಕು.  ಮೇಲು-ಕೀಳಿಗೆ ವೇದದಲ್ಲಿ ಅವಕಾಶವೇ ಇಲ್ಲ, ನಾವೆಲ್ಲಾ ಭೂತಾಯಿಯ ಮಕ್ಕಳು.ನಾವೆಲ್ಲಾ ಅಣ್ಣ ತಮ್ಮ, ಅಕ್ಕ-ತಂಗಿಯರೆಂದು ವೇದವು ಸಾರುತ್ತದೆಂಬ ಅಂಶವನ್ನು ವೇದದ ಆಧಾರದಲ್ಲೇ ತಿಳಿದು ಸಂತೋಷವಾಗಿದೆ. ನಾವೆಲ್ಲಾ ಸೇರಿ ಹಿಂದು ಸಮಾಜಕ್ಕೆ ಶಕ್ತಿಯನ್ನು ತುಂಬಬೇಕು. ಅನ್ಯಮತೀಯರು ನಮಗೆ ಆಮಿಶ ಒಡ್ಡಿ ಮತಾಂತರಕ್ಕೆ ಪ್ರಯತ್ನಿಸುತ್ತಿದ್ದಾರೆ . ನಾವು   ಎಚ್ಚರದಿಂದ ಇರಬೇಕು.  ಹಿಂದು  ಸಮಾಜದಲ್ಲಿ ನಾವು ನೆಮ್ಮದಿಯಾಗಿ ಬಾಳಲು ಅವಕಾಶ ಇದ್ದೇ ಇದೆ.  ಎಂಬತ್ನಾಲ್ಕು ಲಕ್ಷ  ಜೀವಿಗಳಲ್ಲಿ ಮಾನವ ಜನ್ಮ ದೊಡ್ಡದು.   ನಾವು ವೇದದ ಆಶಯದಂತೆ ನಡೆದರೆ ಇನ್ನೂ ಉನ್ನತ ಸ್ಥಿತಿಯಲ್ಲಿ ನಮ್ಮ ಮುಂದಿನ ಜನ್ಮವಾಗುತ್ತದೆ.  ಇಲ್ಲವಾದಲ್ಲಿ ಮತ್ತೆ ನಮಗೆ ಮಾನವ ಜನ್ಮ ಸಿಗಲು ಎಂಬತ್ನಾಲ್ಕು ಲಕ್ಷ ಜನ್ಮಗಳನ್ನೆತ್ತಬೇಕಾಗುತ್ತದೆ.ಆದ್ದರಿಂದ ಸಿಕ್ಕಿರುವ ಈ ಮಾನವ ಜನ್ಮವನ್ನು ಸಾರ್ಥಕ ಪಡಿಸಿಕೊಳ್ಳೋಣ. 

  ಬ್ರಹ್ಮೋಪನಯನಕ್ಕೆ ವಟು ವೇದಿಕೆಗೆ ಬಂದದ್ದು ಹೀಗೆ

ಬೇಲೂರಿನ ಸುಬ್ರಹ್ಮಣ್ಯ ದಂಪತಿಗಳಿಂದ ಬ್ರಹ್ಮಚಾರಿಗೆ ಭಿಕ್ಷೆ

ಎಲ್ಲರಿಗಾಗಿ ವೇದ ಪರಿಚಯ ನುಡಿ

ವಟುವಿನ ತಂದೆ ಕೃಷ್ಣಮೂರ್ತಿಗಳ ಹೃದಯಾಳದ ಮಾತು

ವೇದಾಧ್ಯಾಯೀ ಶ್ರೀ ನವೀನ್ ಶರ್ಮರಿಂದ ಬ್ರಹ್ಮೋಪನಯನದ ಬಗ್ಗೆ ನಾಲ್ಕು ಮಾತು

ರಥ ಸಪ್ತಮಿ- ಸಾಮೂಹಿಕ ಸೂರ್ಯನಮಸ್ಕಾರ

ಐದು ವರ್ಷಗಳ ಹಿಂದೆ ನಾನು VRS ತೆಗೆದುಕೊಂಡಾಗ ಬೀಳ್ಕೊಡುಗೆ ಸಮಾರಂಭದಲ್ಲಿ ಮಾಡಿದ ಭಾಷಣ

Podcast - ವೇದಸುಧೆ

27.01.2016 ರಂದು ಪತಂಜಲಿ ಯೋಗ ಸಮಿತಿಯಿಂದ ಹಾಸನದಲ್ಲಿ ನಡೆದ ಪತ್ರಿಕಾ ಗೋಷ್ಠಿ

ಹಾಸನದಲ್ಲೊಂದ ಯಶಸ್ವೀ ಯೋಗ ಶಿಬಿರ

ಶಿಬಿರದ ಆರಂಭದಲ್ಲಿ ನನ್ನ ಮಾತು

ಶಿರಾರ್ಥಿಗಳಿಂದ ಭಾರತಮಾತಾ ಪೂಜನ್

ಹಾಸನದ ಶಾಸಕರಾದ ಶ್ರೀ ಹೆಚ್.ಎಸ್.ಪ್ರಕಾಶ್ ಮತ್ತು ಪತಂಜಲಿ ಯೋಗ ಪೀಠದ 

ಕರ್ನಾಟಕ ರಾಜ್ಯದ ಯುವ ಪ್ರಭಾರಿ ಶ್ರೀ ಪ್ರದೀಪ್ ,ಹಾಸನ ಜಿಲ್ಲಾ ಪ್ರಭಾರಿ ಶ್ರೀ ಶೇಷಪ್ಪ  ಅವರುಗಳಿಂದ ಶುಭಕಾಮನೆ

ಹಾಸನದ ಆರ್ಯವೈಶ್ಯ ಮಂಡಳಿ ಅಧ್ಯಕ್ಷರಾದ ಶ್ರೀ ಗೋವಿಂದರಾಜ ಶ್ರೇಷ್ಠಿ ಅವರಿಂದ ಭಾರತಮಾತೆಗೆ ಪ್ರಥಮ ಅರ್ಚನೆ

ಶಾಸಕರಾದ ಹೆಚ್.ಎಸ್.ಪ್ರಕಾಶ್  ಇವರಿಂದ ಶುಭ ಹಾರೈಕೆ

ಯೋಗಾಭ್ಯಾಸ

ಗಣ್ಯರೊಡನೆ ಶಿಬಿರಾರ್ಥಿಗಳ ಫೋಟೋ ಸೆಶನ್

 ಶಿಬಿರದ ಸಮಾರೋಪ ಸಮಾರಂಭದಲ್ಲಿ ನನ್ನ ಪ್ರಾಸ್ತಾವಿಕ ಭಾಷಣ

ಶಿಬಿರದ ಒಂದು ವರದಿ

ಸ್ವಾಸ್ಥ್ಯಪೂರ್ಣ ಸಮಾಜ ನಿರ್ಮಾಣವೇ ಪತಂಜಲಿ ಯೋಗ ಪೀಠದ ಮುಖ್ಯ ಗುರಿ

ಹಾಸನ : 

ಸ್ವಾಸ್ಥ್ಯಪೂರ್ಣ ಸಮಾಜ ನಿರ್ಮಾಣವೇ ಶ್ರೀ ಪತಂಜಲಿ ಯೋಗ ಪೀಠದ ಮುಖ್ಯ ಗುರಿ ಎಂದು ಹಾಸನಜಿಲ್ಲಾ ಶ್ರೀ ಪತಂಜಲಿ ಯೋಗ ಒಕ್ಕೂಟದ ಅಧ್ಯಕ್ಷರಾದ ಶ್ರೀ ಹರಿಹರಪುರ ಶ್ರೀಧರ್ ಹೇಳಿದರು. ಶ್ರೀ ಪತಂಜಲಿ ಯೋಗ ಸಮಿತಿಯು ಹಾಸನದ ಶ್ರೀ ಅನ್ನಪೂರ್ಣೇಶ್ವರಿ ಕಲ್ಯಾಣ ಮಂಟಪದಲ್ಲಿ ಜನವರಿ ೧೯ರ ಮಂಗಳವಾರ ಸಂಜೆ  ಹಮ್ಮಿಕೊಂಡಿದ್ದ ಯೋಗ ಶಿಬಿರದ ಸಮಾರೋಪ ಸಮಾರಂಭದಲ್ಲಿ ಶ್ರೀಯುತರು ಪ್ರಾಸ್ತಾವಿಕ ಭಾಷಣವನ್ನು ಮಾಡುತ್ತಿದ್ದರು. ಈ ಶಿಬಿರವು ಕೇವಲ ಯಾವುದೋ ರೋಗ ನಿವಾರಣೆಗಾಗಿ ಮಾತ್ರ ಆಯೋಜಿಸಿದ್ದಲ್ಲ ಆದರೆ ಹಾಸನದ ಜನತೆಯ ಸಾಮಾಜಿಕ ಸ್ವಾಸ್ಥ್ಯವನ್ನು ಕಾಪಾಡುವ ದೃಷ್ಠಿಯಿಂದ ಯೋಗದ ಮೂಲಕ ಸಾಮಾಜಿಕ ಜಾಗೃತಿಯನ್ನುಂಟು ಮಾಡುವ ಸಲುವಾಗಿ ಈ ಶಿಬಿರವನ್ನು ಆಯೋಜಿಸಲಾಗಿತ್ತು. ವಿಶ್ವವೇ ಭಾರತ ಕಡೆ ಯೋಗ ಮತ್ತು ವೇದದ ಜ್ಞಾನಕ್ಕಾಗಿ ಎದಿರುನೋಡುತ್ತಿರುವ ಈ ದಿನಗಳಲ್ಲಿ ಶಿಬಿರದಿಂದ ಲಾಭವನ್ನು ಪಡೆದಿರುವ  ಶಿಬಿರಾರ್ಥಿಗಳು ಯೋಗಸೇವೆಗೆ ತಮ್ಮನ್ನು ತೊಡಗಿಸಿಕೊಳ್ಳಬೇಕೆಂದು ಕರೆ ನೀಡಿದರು.

ಯೋಗದಿಂದ ಮಾನಸಿಕ ಒತ್ತಡ ನಿವಾರಣೆ ಸಾಧ್ಯ

ಯೋಗ ಮತ್ತು ಪ್ರಾಣಾಯಾಮದಿಂದ ಮಾನಸಿಕ ಒತ್ತಡವನ್ನು ನಿವಾರಿಸಿಕೊಳ್ಳಲು ಸಾಧ್ಯ- ಎಂದು ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ಹಾಸನದ ಹಾಸನಾಂಬ ದಂತಮಹಾವಿದ್ಯಾಲಯದ ಅಧ್ಯಕ್ಷರಾದ ಶ್ರೀ ಯತೀಶ್ ಅವರು ತಿಳಿಸಿದರು.

 ಶಿಬಿರಾರ್ಥಿಗಳ ಕೆಲವು ಅನಿಸಿಕೆಗಳು :

1. ದುಶ್ಚಟಗಳಿಂದ ದೂರವಾದೆ, ಶಿಬಿರದ ಪರಿಣಾಮ ನನ್ನ ಕುಟುಂಬದಲ್ಲಿ ನನ್ನ ಗೌರವ ಹೆಚ್ಚಿದೆ - ಒಬ್ಬ ಹಿರಿಯರ ಹೇಳಿಕೆ

2. ಕುಳಿತರೆ ಏಳಲೂ ಸಾಧ್ಯವಿಲ್ಲದ ಪರಿಸ್ಥಿತಿಯಲ್ಲಿದ್ದ ನಾನು ಶಿಬಿರಕ್ಕೆ ಬಂದ ಮೆಲೆ ಈಗ ಯಾರ ನೆರವೂ ಇಲ್ಲದೆ ಏಳುತ್ತೇನೆ- ಒಬ್ಬ ಮಹಿಳೆಯ ಅಭಿಮಾನದ ಮಾತು.

3. ಅಪಘಾತದ ಪರಿಣಾಮ ಮಂಡಿ ಚಿಪ್ಪನ್ನು ಬದಲಿಸುವುದು ಅನಿವಾರ್ಯ ಎಂದು ತಿಳಿದು ದಿಗಿಲು ಗೊಂಡಿದ್ದ ಕಾಲೇಜು ಯುವತಿಯು ಶಿಬಿರದಲ್ಲಿ ಕೆಲವು ಸೂಕ್ಷ್ಮವ್ಯಾಯಾಮ ಮತ್ತು ಪ್ರಾಣಾಯಾಮವನ್ನು ಮಾಡಿದ ಪರಿಣಾಮ ನೋವು ನಿವಾರಣೆಯಾಗಿ ಶಸ್ತ್ರ ಚಿಕಿತ್ಸೆ ಇಲ್ಲದೆ ಮಂಡಿಯು ಸುಸ್ಥಿಗೆ ಬರುತ್ತದೆಂಬ ಆತ್ಮ ವಿಶ್ವಾಸವನ್ನು ವ್ಯಕ್ತ ಪಡಿಸಿದ್ದು ಜನರಲ್ಲಿ ಅಚ್ಚರಿ ಮೂಡಿಸಿತು

4. ಒಂದುವಾರದಲ್ಲಿ ನನ್ನ ತೂಕ ನಾಲ್ಕು ಕೆ.ಜಿ. ಕಡಿಮೆಯಾಯ್ತು. ಶರೀರ ಈಗ ಹಗುರಾಯ್ತು.

5. ನನ್ನ ಮಧುಮೇಹ ಈಗ ಸಾಮಾನ್ಯ ಸ್ಥಿತಿಗೆ ಬಂದಿದೆ.

6. ಈ ಶಿಬಿರವು ನನಗೆ ಜೀವನದ ಕಲೆಯನ್ನು ಕಲಿಸಿತು.

ಹೀಗೆ ತಮ್ಮ ಸಂತೋಶದ ಅನಿಸಿಕೆಗಳನ್ನು ಹಲವಾರು ಶಿಬಿರಾರ್ಥಿಗಳು ಹಂಚಿಕೊಂಡರು.

ಭಾರತಮಾತಾ ಪೂಜನ:

ಭಾರತ ಮಾತೆಯ ಭಾವ ಚಿತ್ರಕ್ಕೆ ಅತಿಥಿಗಳು ಪುಷ್ಪಾರ್ಚನೆ ಮಾಡಿದ ನಂತರ ಶಿಬಿರಾರ್ಥಿಗಳೆಲ್ಲರೂ ಅರ್ಚನೆ ಮಾಡುವುದರ ಮೂಲಕ ಸಮಾರಂಭವು ಆರಂಭವಾಯ್ತು.

ರೋಗ ಬರುವುದಕ್ಕಿಂತ ಮುಂಚೆ ರೋಗ ಬಾರದಂತೆ ತಡೆಯಲು ಯೋಗವು ಸಹಕಾರಿಯಾಗಿದೆ. ದೈಹಿಕವಾಗಿ ಮತ್ತು ಮಾನಸಿಕವಾಗಿ ಆರೋಗ್ಯವಾಗಿರಲು ದೈನಂದಿನ ಜೀವನದಲ್ಲಿ ಯೋಗವನ್ನು ಅಳವಡಿಸಿಕೊಳ್ಳಬೇಕೆಂದು  ಜನತಾಮಾಧ್ಯಮ ಪತ್ರಿಕೆಯ ಸಂಪಾದಕರಾರಾದ   ಶ್ರೀ ಆರ್.ಪಿ. ವೆಂಕಟೇಶಮೂರ್ತಿಯವರು ಕರೆ ನೀಡಿದರು.

ಹಾಸನದ ಆರ್ಯವೈಶ್ಯ ಮಂಡಳಿಯ  ಅಧ್ಯಕ್ಷರಾದ ಶ್ರೀ ಗೋವಿಂದರಾಜ ಶ್ರೇಷ್ಠಿಯವರು ಸಮಾರಂಭದ ಅಧ್ಯಕ್ಷತೆಯನ್ನು ವಹಿಸಿದ್ದರು.

ಸಮಾರಂಭದಲ್ಲಿ ಆಯ್ದ ಶಿರಾರ್ಥಿಗಳು ಯೋಗ ಪ್ರದರ್ಶನವನ್ನು ಮಾಡಿದರು. ಸಮಾರಂಭದಲ್ಲಿ ಜನಹಿತ ಪತ್ರಿಕೆಯ ಸಂಪಾದಕರಾದ ಶ್ರೀ ಹೆಚ್.ಎಸ್.ಪ್ರಭಾಕರ್, ಪ್ರತಿನಿಧಿ ಪತ್ರಿಕೆಯ ಸಂಪಾದಕರಾದ ಶ್ರೀ ಉದಯ ರವಿ, ಪ್ರಜಾವಾಣಿ ಪತ್ರಿಕೆಯ ಜಿಲ್ಲಾ ವರದಿಗಾರರಾದ ಶ್ರೀ ಉದಯ್ ಮತ್ತು ಅಂತರಾಷ್ಟ್ರೀಯ ಕ್ರೀಡಾಪಟು ಶ್ರೀಮತಿ ಹೆಚ್.ಎಲ್. ಭಾರತಿ ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡಿದ್ದರು. ಪತಂಜಲಿ ಯೋಗಸಮಿತಿಯ ಯೋಗಪ್ರಚಾರಕರಾದ ಶ್ರೀ ಸಂಜಯ್ ಸ್ವಾಮಿ ಮತ್ತು ಉಚಿತ ಆರೋಗ್ಯ ಕೇಂದ್ರದ ಶ್ರೀ ಗಂಗಾಧರ್ ಉಪಸ್ಥಿತರಿದ್ದರು. ಪತಂಜಲಿ ಯೋಗಸಮಿತಿಯ ಜಿಲ್ಲಾ ಯುವಪ್ರಭಾರಿ ಶ್ರೀ ಸುರೇಶ್ ಪ್ರಜಾಪತಿಯವರು ನಿರೂಪಿಸಿದ ಕಾರ್ಯಕ್ರಮದಲ್ಲಿ ಡಾ. ರಮೇಶ್ ಸ್ವಾಗತಿಸಿದರೆ ಜಿಲ್ಲಾ ಪ್ರಭಾರಿಗಳಾದ ಶ್ರೀ ಶೇಷಪ್ಪನವರು ಸಹಕರಿಸಿದ ಎಲ್ಲರಿಗೂ ಧನ್ಯವಾದ ಸಮರ್ಪಿಸಿದರು.

ವರದಿ : ಡಾ. ರಮೇಶ್